곡 정보

I fia di fein aus zum Essen
Ins erste Haus am Plotz
Da Oba bringt da de Kortn
Da ziagst den ersten Fotz
Weil Aperitif schreibt ma, sogst
Nicht mit Vogel Vau
Und da Wein do hod ka Blume
Und de Suppn do is lau
Nau, do hob i ma wos aug'fangt
Des bod i heite aus
Oba es gibt ka zweits Moi
Des hoit kana aus
I fahr mit'm Radl noch Rio
I fahr mit Schi noch Athen
Oba a Strapaz wia di
Wül i ma nie wieda gebn
Des faungt jo sche aun
Fuaßfrei is guat oba aus
Jetzt hamma neunte Reih Mitte
Du sogst, das halt ich nicht aus
Da krieg ich Paranoia
Da krieg ich Klaustrophobie
Dann raschelt wer mit sein'm Sackerl
Und schuld d'ran bin nur i
De Wochenschau de rennt no
Und du wetzt scho auf dein'm Sitz
Und wia da Fülm dann ofangt
Keuchst, ich muß sofort raus aus dera Hitz
I fahr mit'm Radl noch Rio
I fahr mit Schi noch Athen
Oba a Strapaz wia di
Wül i ma nie wieda gebn
Des Konzert is scho im Renna
Mia san a hoibe Stund zu spät
Du host da fünf Stund überlegt
Wos man dafür so trägt
Jetzt stehst do im Finstan
Und jetzt druckn de Bock
Am Boden kaunst di ned hockn
Do schaut da jeda untan Rock
Do vuan auf dera Bühne
Spüns eanan Rock and Roll
Dia graust vua so vü Peckaln
Und du sagst, sowas kommt
Bei uns durch den Zoll
I fahr mit'm Radl noch Rio
I fahr mit Schi noch Athen
Oba a Strapaz wia di
Wül i ma nie wieda gebn
Nie